Bist du scho aufm Weg zur Krippn?

Bist du scho aufm Weg zur Krippn,
siechst du den helln Stean,
mechst du zum Jesukindl geh
und arm wia Hirtn wean?

Bist du scho aufm Weg zur Krippn,
kniast du vorm Kindl nieda,
bekennst du di zum Guatsei,
zum Friedn oiwei wieda?

Bist du scho aufm Weg zur Krippn,
bist du iaz scho bereit,
mochst du dei Herz scho auf,
gspiast es scho worm und weit?

Bist du scho aufm Weg zur Krippn,
trogst du des Liacht in d´Wöt,
auf des vü Menschn wortn,
des monchn a gonz Leb´n long föht?

Geh grod den Weg zur Krippn,
trog oi dei Wirkn hi,
donn bist du Liacht im Dunkln
und erntest Freid dafi.